網紅的藏寶箱日本人大谷光瑞佇台灣的住所。
大谷光瑞是一個宗教家、冒險家；伊看準高雄的氣候適合農業栽植，佇住所附近種足濟水果；
佇日本廟寺的主持算家傳事業，in兜kah日本天皇閣有親戚關係，毋過伊因為一寡仔原因離開日本，來台灣嘛繼續傳教；
這間別莊，有真濟特別的設計，我上佮意天篷的部分，是用竹仔編織出來，閣有有六口灶的廚房；
國民政府來台灣了後，這附近有一間兵仔病院，有醫生軍官kah家屬蹛佇遮，這間別莊嘛順勢變成in的住所，有兩三戶家庭蹛佇內面；
時間久了，建築物攏破爛，在地的里長通報面頂了後，高雄市政府kah民間文史工作者發現這是一間足有歷史意義的厝，開始走傱，總共開10冬的時間爭取權益閣整理內部；
舊年11月開幕！
有時間來高雄𨑨迌，會使來看看。
#台文練習
#逍遙園
#高雄景點
Search